ह्या पोस्ट मध्ये तुमच्यासाठी श्री दत्त शरणाष्टकम् | Shri Datta Sharanashtakam online वाचायला प्रस्तुत करत आहे.
Shri Datta Sharanashtakam | श्री दत्त शरणाष्टकम्
|| श्री दत्त शरणाष्टकम् ||
दत्तात्रेय भव शरणम् । दत्तनाथ भव शरणम् ।
त्रिगुणात्मक त्रिगुणातीत । त्रिभुवनपालक भव शरणम् ॥ १॥
शाश्वतमूर्ते भव शरणम् । श्यामसुन्दर भव शरणम् ।
शेषाभरण शेषभूषण । शेषशायिन् गुरो भव शरणम् ॥ २॥
षड्भुजमूर्ते भव शरणम् । षड्यतिवर भव शरणम् ।
दण्डकमण्डलु गदापद्मकर । शङ्खचक्रधर भव शरणम् ॥ ३॥
करुणानिधे भव शरणम् । करुणासागर भव शरणम् ।
कृष्णासङ्गमिंस्तरुवरवासिन् । भक्तवत्सल भव शरणम् ॥ ४॥
श्रीगुरुनाथ भव शरणम् । सद्गुरुनाथ भव शरणम् ।
श्रीपादश्रीवल्लभ गुरुवर । नृसिंहसरस्वति भव शरणम् ॥ ५॥
कृपामूर्ते भव शरणम् । कृपासागर भव शरणम् ।
कृपाकटाक्ष कृपावलोकन । कृपानिधे गुरो भव शरणम् ॥ ६॥
कालान्तक भव शरणम् । कालनाशक भव शरणम् ।
पूर्णानन्द पूर्णपरेश । पुराणपुरुष भव शरणम् ॥ ७॥
हे जगदीश भव शरणम् । जगन्नाथ भव शरणम् ।
जगत्पालक जगदधीश । जगदुद्धार भव शरणम् ॥ ८॥
अखिलान्तर भव शरणम् । अखिलैश्वर्य भव शरणम् ।
भक्तप्रिय वज्रपञ्जर । प्रसन्नवक्त्र भव शरणम् ॥ ९॥
दिगम्बर भव शरणम् । दीनदयाघन भव शरणम् ।
दीननाथ दीनदयाळ । दीनोद्धार भव शरणम् ॥ १०॥
तपोमूर्ते भव शरणम् । तेजोराशे भव शरणम् ।
ब्रह्मानन्द ब्रह्मसनातन । ब्रह्ममोहन भव शरणम् ॥ ११॥
विश्वात्मक भव शरणम् । विश्वरक्षक भव शरणम् ।
विश्वम्भर विश्वजीवन । विश्वपरात्पर भव शरणम् ॥ १२॥
विघ्नान्तक भव शरणम् । विघ्ननाशक भव शरणम् ।
प्रणवातीत प्रेमवर्धन । प्रकाशमूर्ते भव शरणम् ॥ १३॥
निजानन्द भव शरणम् । निजपददायक भव शरणम् ।
नित्यनिरञ्जन निराकार । निराधार भव शरणम् ॥ १४॥
चिद्धनमूर्ते भव शरणम् । चिदाकार भव शरणम् ।
चिदात्मरूप चिदानन्द । चित्सुखकन्द भव शरणम् ॥ १५॥
अनादिमूर्ते भव शरणम् । अखिलावतार भव शरणम् ।
अनन्तकोटि ब्रह्माण्डनायक । अघटितघटन भव शरणम् ॥ १६॥
भक्तोद्धार भव शरणम् । भक्तरक्षक भव शरणम् ।
भक्तानुग्रह गुरुभक्तप्रिय । पतितोद्धार भव शरणम् ॥ १७॥
दत्तात्रेय भव शरणम् ॥
इति श्री दत्त शरणाष्टकम् सम्पूर्णम्
आम्ही आशा करतो की तुम्हाला Shri Datta Sharanashtakam | श्री दत्त शरणाष्टकम् आवडला असेल, जर होय तर कृपया खाली comment करून तुमचे विचार शेअर करा.
