ह्या पोस्ट मध्ये तुम्हाला शाकंभरीची आरती | Shakambharichi Aarti online वाचायला मिळेल.
Shakambharichi Aarti | शाकंभरीची आरती
दैत्यें सुरजन गांजित पडला दुष्काळ ।
देखुनि दानव वधिसी सक्रोधें प्रबळ ।
शाखा वटुनि पाळिसी विश्र्वप्रिय सकळ ।
भक्ता संकटी पावसी जननी तात्काळ ॥ १ ॥
जय देवी जय देवी जय शाकंभरी ।
श्री वनशंकरी माये आदि विश्र्वंभरी ||
सद्भक्ति देवी तू सुर सर्वेश्र्वरी ।
साठी शाखा तुज प्रिय षड्विध सांभारी ।
तिळवे तंबिट कर्मठ द्वादश कोशिंबीरीं ।
पापड सांडगे वाढिती हलवा परोपरी ॥ २ ॥
अंबे कर्दळि द्राक्षे नाना फळे जाण ।
दधि घृत पय शर्करा लोणची नववर्ण ।
कथिका चाकवत चुक्का मधुपूर्ण ।
वाढिती पंचामृत, आले लिंबू लवण ॥ ३ ॥
बर्बूरे कडी वडे वडिया वरान्न ।
सुगंध केशरी अन्न विचित्र चित्रान्न ।
भक्ष्यभोज्य प्रियकर नाना पक्वान्न ।
सुरार रायति वाढिती षड्रस परमान्न ॥ ४ ॥
पोळी सुगरे भरीत आणि वांगीभात ।
पात्रीं वाढिती सर्वही अपूप नवनीत ।
जीवन घेता भोजनी प्रसन्न भक्तातें ।
प्रार्थुनि तांबूल देऊनि वंदी गुरुभक्त ॥ ५ ॥
जय देवी जय देवी जय शाकंभरी ।
श्री वनशंकरी माये आदि विश्र्वंभरी ॥
तुम्हाला आमची web site आवडली असेल तर तुमच्या मित्रांना आणि नातेवाईकांना share नक्की करा.
